巴巴串 (已結業)

今日返工OT好晏先收工，同同事就去咗食觀塘呢間任食串燒！我哋8:45之後入座，平日只係$198，價錢相當之抵食。👍🏻串燒方面有勁多選擇！牛丸、雞肉、紅腸、午餐肉乜都有🥰自己好鍾意食佢哋啲牛丸，因為超級Juicy，入面仲有肉汁爆出黎！雞肉其實都唔錯，燒到微微燶，肉質仲keep住嫩。👍🏻熟食都有得食！熟食都有好多唔同選擇，如果唔想燒咁耐又未夠飽都可以拎啲熟食食下，味道都唔錯。👍🏻小食類都幾好食！好鍾意食啲香脆嘅嘢，私心推介酥皮卷！好有層次！又夠酥脆！脆蝦片都幾好食，脆卜卜好似食緊厚切薯片咁。