睇裝修 睇名 睇餐牌設計 一望就知同一個集團開
就係因為咁 所以我期望唔太大
諗住佢都係中等至中上水平
無諗過d食品會咁掂 呢個好驚喜
下午茶時段入 所以餐廳無乜人
超寬敞 坐得勁舒適
叫左個冬蔭功河粉 再加錢叫椒鹽薯條同黑醬雞翼
野飲就叫左爆珠鳳梨柳橙梔子花茶
盛惠＄79
我想講除左野飲味道有d奇怪之外
其他野食都好好食
特別係冬蔭功河粉同雞翼
河粉冬蔭功湯底超濃超足料
不過隻河粉就唔夠滑 麵質差d
但食湯麵湯底好食真係加好多分
所以整體黎講都係好食
但我想講佢d餐具可唔可以換一換？
佢用金屬筷子同匙羹
完全唔隔熱 食野果時係辣嘴 食得好唔舒服
換返膠造會好好多
另外黑醬牛油雞翼應該係焗
外脆內嫩 超級好食
黑醬甜甜地 雞翼又大隻又香
套餐加＄13有3隻
我覺得物有所值!
至於椒鹽薯條就有少少失望
因為無乜椒鹽味
就係好普通 少少咸 但唔太香既炸薯條
唔係難食 但無乜特別
1
1
