影片
更多
2014-07-20
812 浏览
成班fd最煩就係諗食咩！永遠都係有唔同意見。今次都唔例外，由旺角行到太子都未簡到食咩，真係差唔多行到去深水埗，見到有間打冷新開，大家又行到攰，就膽粗粗入左去試！入到去環境似茶記，打冷黎講都算乾淨！因為太肚餓既關係，各自叫一樣想食既餸，一行10人所以都叫左9餸1湯。其中有幾樣係特別中意，有驚喜的！1.炸蠔餅平時食開既都係粉多過蠔，冇諗過今次竟然蠔多過粉，而且啲蠔仲要勁大粒，食落吾會腥，幾廿蚊食到甘既水準，只能說平靚正👍2.鹵水拼盤個人比較8掛，聽講呢到個鹵水師傅係某間出名既打冷到請返黎，有返甘上下水準！食完之後果然有驚喜，佢唔似其他鹵水得個咸字，呢個食得出果種鹵水既香，唔識形容🙈啲汁滲哂落啲料到再食啖飯，真係好味到一個點，不是誇張是真的！3.潮州烏頭魚條魚黎到未食已經知佢係靚野，啲黃油多到滲哂出黎！食落魚肉鮮甜唔腥，平時好少食魚既我，今次都食左幾多，不得不讚！4.胡椒豬肚湯呢個湯雖然唔係飲過最正宗最有味既，但係都算不錯，因為我本身係好中意飲呢個湯，去親食打冷都必叫！所以邊啲係正既真係呃我唔到！呢個飲落唔算係好重胡椒味（可能我本身食得辣），因為我啲fd就話夠味，但都係幾正既。5.椒鹽鮮魷呢
成班fd最煩就係諗食咩！永遠都係有唔同意見。
今次都唔例外，由旺角行到太子都未簡到食咩，真係差唔多行到去深水埗，見到有間打冷新開，大家又行到攰，就膽粗粗入左去試！
入到去環境似茶記，打冷黎講都算乾淨！因為太肚餓既關係，各自叫一樣想食既餸，一行10人所以都叫左9餸1湯。
其中有幾樣係特別中意，有驚喜的！
1.炸蠔餅
平時食開既都係粉多過蠔，冇諗過今次竟然蠔多過粉，而且啲蠔仲要勁大粒，食落吾會腥，幾廿蚊食到甘既水準，只能說平靚正👍
2.鹵水拼盤
個人比較8掛，聽講呢到個鹵水師傅係某間出名既打冷到請返黎，有返甘上下水準！食完之後果然有驚喜，佢唔似其他鹵水得個咸字，呢個食得出果種鹵水既香，唔識形容🙈啲汁滲哂落啲料到再食啖飯，真係好味到一個點，不是誇張是真的！
3.潮州烏頭魚
條魚黎到未食已經知佢係靚野，啲黃油多到滲哂出黎！食落魚肉鮮甜唔腥，平時好少食魚既我，今次都食左幾多，不得不讚！
4.胡椒豬肚湯
呢個湯雖然唔係飲過最正宗最有味既，但係都算不錯，因為我本身係好中意飲呢個湯，去親食打冷都必叫！所以邊啲係正既真係呃我唔到！呢個飲落唔算係好重胡椒味（可能我本身食得辣），因為我啲fd就話夠味，但都係幾正既。
5.椒鹽鮮魷
呢個真係有驚喜，食得出佢真係用新鮮既鮮魷整，因為平時食好多都係用急凍既，有陣雪藏味！加埋椒鹽既香，食落真係冇得輸！
6.豉椒炒蜆+炒聖子
始終係打冷，海鮮不是主打菜！但我覺得算是不錯了！蜆同聖子都好鮮甜，而且炒得夠香夠味，亦唔會有沙，算係甘！
7.西檸雞
呢樣平時食得多，令我覺得特別既係佢係用條狀既雞肉，食落又唔會太粉，味道同出面差吾多，不過不失吧！
講左7餸1湯，仲有2樣未講既！就係個腐乳炒通菜同啫啫雞煲，因為佢地真係冇咩特別，同平時食既差唔多，所以都廢事講啦！
整體黎講今餐真係好滿意，全部清哂，個個都食到好飽！可能新開既關係，呢到啲伙計都好細心態度唔似其他茶記，呢方面幾欣賞！希望可以keep住呢個水準同服務，相信必定會打出個名堂！
PS:一定會再幫襯！
张贴
