吉列牛忌廉烏冬專門店 (百樂中心) (已結業)

今日同朋友食個飯，佢好鐘意食韓國野，佢之前都食過呢間，今日就帶我黎食～佢係樓上餐廳餐廳有好多大窗，同佢係較高層，景觀都幾開揚！食品主打唔係千篇一律既傳統韓國菜，menu 有幾多選擇。咖喱忌廉烏冬，一上枱見到碗烏冬嘅面有一層忌廉，慢慢佢會溶落個咖喱湯底入邊。開頭都幾擔心會唔會好重忌廉好滯，不過原來佢忌廉味係輕盈嗰款，烏冬入邊個雞仲要幾滑，有驚喜！鹹蛋薯條， 佢係粗身薯條，食落幾脆口，仲見到薯條入面有幾多鹹蛋黃。牛里脊同大啡菇，佢嚟到之後仲可以放上枱上邊嘅石板加熱。牛肉加熱後八成熟都夠軟熟。個人幾鍾意個黑松露醬，食落真係有淡淡黑松露味，點薯條食又得牛肉又得！