蘇杭冰室

营业中

休息中

過去果一年，我基本一日中午食呢間，延續我對蘇杭冰室的支持。但係餐牌成日食嚟食去都係果幾樣，真係有啲悶。所以今日特地勇敢哋叫了卡邦尼意粉。碟嘢一呢度，我先唔講味道，但係賣相已經夠誠意，媲美一般西餐廳水準，我確實係驚訝的。當然冇得同意粉西餐廳比，但係冰室來說，我覺得認真好食！開始食之前，卡邦尼最易嘅敗筆，係唔掛汁，唔入味，無層次，好睇唔好食。其實係好多坊間對卡邦尼嘅誤解，用白汁做獻，但係卡邦尼都有好多種由傳統意式到美式到日式到港式，而我覺得呢碟比較接近那些年香港某某日式+西餐廳的水準，如果你係嗰種卡邦尼嘅擁躉，我相信，你會鍾意呢碟卡邦尼。價錢88蚊，抵唔抵自己衡量，我嘅食後感係帶男女朋友嗌呢碟卡邦尼，味道上絕對唔失禮！當然佢鍾唔鍾意個場就另計啦。