手拉麵小廚

营业中

休息中

喺附近上完興趣班順便搵食，見到有位即刻入去舖面係細啲，坐得唔算太舒服，但食過呢度嘅面真係要再嚟。羊肉搶拉麵：呢度嘅拉麵係現場手拉嘅，係窗出面可以睇到師傅做嘢嘅情況，雖然係小店但尚算幾企理，亦都食得安心。拉麵好有麵粉嘅香味亦都好彈牙，湯底非常之清唔算太鹹，仲好鮮甜，分量好夠好大碗，羊肉完全冇肥膏，而且好有質感好鮮嫩，我夠膽講係我近年嚟食過最好食嘅羊肉湯麵。呢度叫多支豆漿呢就係比現成嘅，不過麵先係主角，所以都過得去啦，非常滿意嘅晚餐，坐可以將就，但係個胃唔可以將就，好食值得再嚟！