滋味屋日本家庭料理 (已結業)

店面裝修普通，唔特出，亦唔起眼。喺一個層全部食肆都係連鎖店既商場入面，都幾異類。但就係咁樣，吸引到人去試。店員得一個，可能係店主，店主既服務態度唔係非常好，無咩笑容，不過都算有禮貌啦。坐低之後，我地要咗一個吉列豬扒咖喱飯，同埋薑汁豬肉飯。等左5分鐘左右就上菜啦，一個人既舖頭仔來請，算幾快啦！個餐唔算好靚，整體上有屋企飯既感覺。加上佢應該係用日本珍珠米煮既飯，食落好有口感。個薑汁豬就幾好味，連塊吉列豬扒都唔差，48蚊餐咋，算係物超所值，值得再食呀！