祥仔 (永康街) (已結業)

今日難得請左日假，瞓晏啲，刷牙洗得面出嚟出得門口嚟已係食晏時間😏！平時周末去搵食呢，都要就番附近有冇車位為主，而今日趁上班人士未放食晏前，攞位食晏🤪🤘！就係喺荔枝角其中一個商業大廈泊咗車之後，就見到呢間外表睇唔出係食咩既餐廳，但外觀又好似幾乾淨，而服務員一見到我立即有禮地招呼，咁我地就去左呢間探吓祥仔🤣。我被帶到一邊二人面壁卡位，雖然係面壁，但係兩個人坐都夠位，而餐廳整體真係好簡潔乾淨。估唔到間餐廳唔係一般傳統嘅茶餐廳，其實我都唔知點形容佢嘅餐牌😂。餐牌連圖片都好靚真係令人口水流，雖然價錢唔算平，但係賣相同埋食物質素真係唔錯，八卦望下隔離檯叫既餐🤭🥹。我哋一人叫咗一份午餐：慢煮牛脷鮮茄意粉😍，鮮粟米星斑飯😍，再加祥仔被仔瑞士雞翼兩隻🥳🥳！哇！賣相真係好掂🥰，牛舌又大又厚🤩，難得咬一口係無「蘇」味，同埋夠林😙好好味呀😛😛；同時，個意粉醬汁唔同一般茄味意粉，平時少食意粉嘅我，都真係覺得好好食，意粉軟硬適中，而且食到尾啲汁仲好夠撈埋尾個啖意粉😂🥹。另外既星斑飯就好似係名貴酒家叫左份星斑撈飯咁😋，好味👍🏼。可能沒有預計食物質素如何，所以今餐真係出期意料之外，食左餐高質午餐👍🏼🤩。