Espuma (QRE Plaza) (已結業)

Espuma出埋tea set 正正子🤤Cotton Candy Fondue Set ($248/2位)🍡🍰🍭個earl grey soup 真心驚喜咗，完全唔甜仲好有香濃茶味。一開始先食迷你烤雞沙律，沙律菜配埋個汁又開胃又fresh。鹹點樣樣都幾出色，以吞拿魚威化餅最難忘，無諗過兩樣嘢可以咁夾，呑拿魚仲要係厚切又唔會腥。食完鹹點可以食返啲水果中和返。-甜點方面最中意三色粉圓同waffle。粉圓有甜薯，紫薯同香芋味，粒粒都好煙韌。個waffle 整得外脆內軟，本身就咁食才有好正，仲點埋個茶仲好味，又唔似平時得牛油同cream 配waffle 咁漏。個有綿花糖食落有空氣感，不過有啲甜，但點落伯爵茶火鍋就會中和返。