NUTTEA (旺角中心第一座) (已結業)

諗住入旺中行個圈，發覺變咗好多。唯有搵下有冇野飲，意外發現呢間Nuttea！伯爵朱古力堅果奶蓋茶，係每日限定，100%純朱古力無牛奶添加，用上印度產地格雷伯爵。奶蓋用堅果去打，食落比岀面奶蓋挺身，食完又唔漏，係健康之選，仲可揀不同甜度和冰量。店員好好呀，提示可以拎個剷仔食堅果奶蓋。朱古力味濃厚唔會死甜，伯爵茶就清新有茶味，同奶蓋好明顯兩個層次，我就喜歡分開奶蓋還奶蓋食，食到咁上下，就飲啖茶清清口。