全發燒臘家

营业中

休息中

自細屋企人都係幫襯全發燒臘，大個咗搬離大埔之後都好少番大埔，今次咁啱有事入大埔就順便回味一下舊時嘅味道。搬咗舖，變咗有堂食（以前細個係幫屋企人去街市買20蚊叉燒/雞翼only），環境都舒適，裝修有啲懷舊feel，乾淨企理嘅。同朋友分別叫咗瘦叉切雞飯and燒鵝油雞飯。燒味保持到水準，燒鵝肉肥厚，啲肉汁幾正～食到好飽～兩人埋單$116，有凍飲有湯，我覺得價錢算合理。唯一美中不足就係杯凍奶茶，我覺得茶膽唔夠濃；不過我見間舖係無水吧嘅，可能始終係燒臘舖唔係茶餐廳，重點唔喺嘢飲度～可以叫可樂嗰啲都無妨。