影片
真系无乜几可会走黎写食评，但呢间真系值得我花时间走来写食评。首先，简直系一个灾难。叉烧柴皮到呢，食到牙都痛，真系食到"银"胃。味道方面，叉烧仲会食到好浓好浓既猪味，真系难顶。唔钟意猪味既朋友，一定会食完觉得自己食咗只猪咁🙄。而且，呢个猪味仲要系持久型，食完之后个口仲残留住个味，真系食餐饭都咁辛苦。最后，价钱真系唔合理，质素咁差，竟然仲收咁贵，真系唔抵。真系食到我有啲嬲，感觉好似俾人呃咗咁。我就以后唔会帮衬呢间食肆，真系一次够晒啦。如果你唔想贴钱买难受，就真系唔好帮衬啦🙄🙄。😡😡😡😡😡😡😡😡😡
继续阅读
$63 烧鹅双拼饭加埋咸蛋$71大概晚上7:30去买，同店员讲要外卖烧鹅油鸡饭，佢问我要烧鹅定烧鸭，我答佢要烧鹅，佢仲话烧鹅$63㖞～我照话系烧鹅，心谂：「咁样睇唔起人咩？」结果返屋企打开，得四旧烧鹅，其中两旧系细旧+超薄（见图），烧鹅份量非常少😂油鸡就多🙈 回想返店员嘅说话，尝试说服我唔好食烧鹅，要叫烧鸭，咁应该只有三个可能性：1） 冇乜烧鹅剩，想我叫第二样；2） 临收工斩咗啲烧鹅比我，员工收工福利可能会少左；3） 佢都觉得烧鹅唔抵😂［以上纯粗略粹推测］不过都不得而知了，我一定唔会再帮衬了如果鹅质素好啲，即使份量少，我都服，可惜不是。食太兴/大埔广场附近果两间好食好多🙈
继续阅读
自细屋企人都系帮衬全发烧腊，大个咗搬离大埔之后都好少番大埔，今次咁啱有事入大埔就顺便回味一下旧时嘅味道。搬咗舖，变咗有堂食（以前细个系帮屋企人去街市买20蚊叉烧/鸡翼only），环境都舒适，装修有啲怀旧feel，干净企理嘅。同朋友分别叫咗瘦叉切鸡饭and烧鹅油鸡饭。烧味保持到水准，烧鹅肉肥厚，啲肉汁几正～食到好饱～两人埋单$116，有冻饮有汤，我觉得价钱算合理。唯一美中不足就系杯冻奶茶，我觉得茶胆唔够浓；不过我见间舖系无水吧嘅，可能始终系烧腊舖唔系茶餐厅，重点唔喺嘢饮度～可以叫可乐𠮶啲都无妨。
继续阅读
卧薪尝胆，我睇到某人嘅食评即管到此一试，叫咗个叉鹅饭食，叉烧干柴，烧鹅皮冧，佢个白饭真系又硬又嚡，唔知系咪吹冻咗关系，呢个价钱同质素并不相符，本来想支持下小店，实在仲差过大家乐大快活，俾得起钱唔系要我食啲噉嘅嘢呀！
继续阅读
早前喺佢𠮶度嗌咗个四宝饭外卖，价钱都唔平，但系啲饭又黄又嚡又梗又难食，食落啲饭有啲似肉饼哥用𠮶只米，烧味就一般般，都唔知系咪越南米，一啲饭香味都冇，我谂住呢个价钱一定唔会有伏啦！我都唔期望佢有齿留香八九成，都希望有六七成啊！真系劲难食，希望快啲有改善
继续阅读