港澳義順牛奶公司 (已結業)

帶兩個外國朋友去試燉蛋($16) 同雙皮奶($18.5)，老婆就要薑汁燉奶($20)。全部都好有水準，外國朋友見雙皮奶上面有層skin，覺得好得意，食落亦讚好滑。另外有樣要讚，伙計見我食完，收碗時自動換過4杯茶俾我。我邊飲邊傾偈，冇耐佢又幫我換過茶，結果總共換3次茶。呢度坐得舒服，服務又好，點解要去澳洲牛奶同人迫，食快餐，兼夾睇伙計面色？！