石屋咖啡冰室

营业中

休息中

經過有間咖啡店，就坐下休息一下見到咖啡店係喺教會隔離，聖誕期間有好多聖誕歌聽，價錢比較平民化。自己坐低咗，喺枱面掃二維碼落單俾錢，店員會送嘢食餐飲過嚟。全部自動化，都幾方便快捷。唯一唔好係餐具要喺店內自取，如果你喺戶外。最好攞晒餐具先落單等佢送嘢過嚟食。要咗一般愛爾蘭咖啡$32， 糖漿另上。奶味好香，好滑，唔使落糖，都好夠味值得推介呢間咖啡嘅係因為佢有唔同嘅座位樓上- 大概可以坐15至20人，比較擠迫，空氣唔太流通。如果你有一大班朋友或親戚，想大家一齊食Cafe，可以選擇嗰度。戶外- 每一個戶外都有一個簷蓬遮住，所以空氣好流通，唔會太曬。側邊有少少植物，有啲似露營或者picnic嘅感覺。總結：雖然地方有啲唔就腳，搭完地鐵要行15分鐘先到。不過有時間，可以休閒過一日。