SENSU (已結業)

喺附近做嘢嘅朋友約我食下午茶，我記得上次嚟呢度幫襯佢哋嘅 all day menu 都有幾多選擇，邊有朋友嚟呢度食。下午茶時段人都唔少，差不多有一半滿，基本上餐牌內嘅食物都係全日供應，係下午茶時段有一個特色茶餐，便決定食呢個餐。套餐內有七款食物，鹹甜都有。炸薯波，配上蕃茄酸汁，有口感有層次。帶子多士，帶子碎上，冇特別調味，少少沙律醬汁，咬落去軟硬相會。檸檬餅乾，其實好似檸檬撻只係用餅乾做底，醒胃。士多啤梨鬆餅，唔會太甜。魚子醬撻清香。酒心朱古力加上夢幻水煲，有特色。下午茶當然唔少得英式鬆餅，我個人唔鍾意食鬆餅，但試咗少少都覺得可以接受。