茶木‧台式休閒餐廳 (已結業)

休閒餐廳？香港人每日忙忙碌碌，想抖下都唔得，休閒呢兩個字對香港人簡直係奢侈！今日Day Off，出左信和買Game，買完因為要等太太收工，一支公就去食Tea上到黎茶木，先知原來佢全名叫茶木‧。台式休閒餐廳岩晒，係度hea住等老婆啦！餓餓地，忍唔住叫左個意粉，櫻花蝦培根芥奶油手作麵。個味完全fit到我，個汁好似白汁，但有濃郁的培根同奶油味，不過唔覺得"漏"，佢個味濃過白汁，係好重培根的香味。櫻花蝦我本來以為係日式一隻隻有蝦肉的，但黎到是櫻花蝦乾..不過有好多我很喜歡的菇補償意粉係闊條麵咁的，扁扁地，吸收晒香濃的味道，又滑又好味因為要hea，我叫左杯花茶慢慢嘆，洛神洋菊茶好有English Tea的感覺，壺茶有熱力一路煲住，幾時飲都係熱的！我媽成日過洛神花有益，可以降血壓，但一直未飲過。茶顏色非常豔麗，原來是酸酸的味道，感覺有點像話梅，初時第一杯比較酸，之後的開始有點淡淡的味道，飲完第一杯仲可以加滾水！最後，我hea左好耐去接太太收工！