Bacaba

营业中

休息中

餐廳環境都幾寬敞,仲分左室內外座位.而且仲有吧枱位,食飯吹水倆相宜,而且佢地仲參加左安佳芝士既拉絲活動,可以俾食客挑戰下PIZZA既芝士可以拉到幾高,無論結果如何,都可以得到環保袋一個,真係有得食又有得玩,有興趣既朋友都去試下啦~墨西哥鐵板烤雞扒＆牛扒原塊鐵板上，本身以為雞扒同牛扒會好柴好乾，但入口又唔會，可能係底墊左d洋蔥同彩椒既關係，肉質都好淋但仲保留到肉汁。反而洋蔥同彩椒吸引哂d肉汁食落更加惹味。另外仲可以配埋莎莎醬、牛油果醬同酸忌廉用粟米餅卷埋一齊食，令滋味更豐富。烤雞肉卡巴一向都好鍾意食卡巴，但好怕食到菜多肉少，食食下d菜汁流到買係，呢度既卡巴菜同肉既份量就岩岩好，食到香辣既雞肉之餘，仲食到新鮮爽脆既沙律。而且仲可以係11款醬汁之中揀3款，口味自由配塔。梗有一款岩食。瑪格麗特薄餅期間限定既薄餅，因為要拉到絲既關係，所以mozzarella既份量好多，而且蕃茄味都好濃郁，加埋脆卜卜既餅底。味道同口感都好好。