小念頭 (香港中文大學) (已結業)

小念头可以话系中大美食嘅代表，佢哋主打台式食物同蛋糕，平时耐唔耐都会用嚟做表演场地，枱与枱之间嘅空间好够，非常适合同朋友吹水食饭😚之前试过佢嘅卤肉饭，𩠌菜份量唔算好多但卖相精致、调味唔错👍🏻今日唔太饿就决定试下葱花玉子三文治($34)，再加杯四季春茶😋等咗大概十几分钟后就有得食，此终比较多外卖单，所以饭类可能要等得比较耐🤔摆上枱就闻到好香芝士味，表面满满嘅肉松更加令人食指大动🤩攞上手仲热辣辣，面包有烘过但好似冇咩落牛油，缺少咗烘底应有嘅牛油香🧈但芝士有炙烧过，周围浓浓地就几好味🥰呢个内馅嘅配搭可以话系一定好味，个人就觉得可以多好多葱，因为肉松完全盖过葱味，就算就咁食蛋其实都唔太明显，炒蛋亦都略嫌过熟，咬落唔算好硬但冇蛋汁😗整体嚟讲系好味嘅三文治，不过比我预期嘅差少少🙈至于隔离嘅薯角同沙律都一般般，有啲菜明显发黑，薯角就淋晒完全唔脆☹️睇嚟都系卤肉饭比较稳阵同出色😆