The Coffee Academics (耀華街) (已結業)

假日呢，有時想有個好舒服嘅地方坐低，靜靜地同朋友傾下計，食下啲好味嘅嘢，又諗起The Coffee Academics，佢啲飲品幾特別，咖啡方面亦都好有特色，亦都有唔同嘅花茶，可以有唔同嘅選擇。叫咗一個黑松露Parma ham Pizza，好驚喜嘅就係佢個薄餅底真係好薄脆，有一塊塊嘅火腿、黑松露，配上薯仔同埋洋蔥片，食落就比較清新，味道10分不錯。當然都有叫佢個甜辣炸雞，我覺得佢比好多韓國餐廳嘅炸雞更加好味，有少少甜辣嘅味道，個皮炸得好脆，雞肉嘅肉質唔會乾，好惹味！學研全日早餐就可以滿足你想食好多樣嘢，但係又唔想食得咁多嘅慾望，每一樣野都煎好好，麵包個皮都好脆。我就叫咗一杯香茅花茶飲，花茶可以令你有一種舒壓嘅感覺，讓你食完野可消濟，朋友就叫咗黑胡椒龍舌蘭咖啡，香味濃郁，味道特別，值得一試。