北海道食堂 (已結業)

黎到沙田想食返個下午茶，點知新城市廣場勁多人，咁唯有去沙田中心搵食啦！🍘醬燒雙式刺身丼($64)下午茶黎講都幾抵食嘅，油甘魚同三文魚份量都多，但油脂較少，火炙後只有一點點油香。醋飯嘅面層有啲油香，口感煙韌，都算唔錯！而底層嘅飯⋯我帶咗返屋企😂～～～🍣極上壽司盛配稻庭烏冬($58)（淨係食咗粒腐皮壽司）因為飯煲得好，加埋甜甜地嘅腐皮，都幾好食😋～～～🍮日式蒸蛋(+$8)蒸得好滑，但好淡，堅魚湯/高湯濃味啲會更好。