板上 (中海日升中心) (已結業)

今日有事過一過觀塘，順便係度食個午餐。經過中海日升中心，見到人流好多，個個都係呢個商場覓食，好似有正野咁，所以我都入去兜個圈睇睇有咩岩食，行行下就見到板上，好耐之前系荔枝角分店食過，印象中味道非常不錯，午餐黎講價錢唔貴，而且唔需要排隊，所以就食多次啦🤪餐廳座位多，地方好闊落，而且環境好光鮮，而且整潔，感覺好舒適，格局真係比隔離既餐廳好好多👍🏻👍🏻《蒜香三文魚燒雞•珍珠飯》$64 三文魚略為乾身，不過肉質軟淋，夾起就輕易斷開😆表面煎至帶有焦香，蒜香味岩岩好唔會太濃烈👍🏻雖然呢塊三文魚唔係優質貨，但整體味道已經十分不錯👍🏻珍珠飯好軟熟，粒粒分明有咬口，淋上燒汁一流🤤 《大姆指雞翼4隻》（跟餐+$8）皮脆肉嫩，肉質好滑，好香孜然味，細細隻食起黎方面又唔會太飽👍🏻《熱洛神花蜜》（跟餐+$5）酸酸甜甜味道幾好，飯後飲仲可以消消濟😃 餐廳嘅用餐時間冇限時，可以慢慢食，享受同朋友傾計既時間，十分休閒👍🏻