星群地中海餐廳 (已結業)

一個休閒既晚上，喺附近行下行下見到呢間地中海餐廳，有露天位，今晚又比較涼，於是入黎坐一陣食小小野。位置比較闊落，我地自己選了一個近海邊的位置，可以一邊吹海風，一邊聊天。叫左一個茄汁肉醬粟米脆片和一個心太軟配雪糕。粟米脆片有加熱過，肉醬是辣辣地甜甜地咸咸地，雖然賣相不是十分吸引，但配上粟米脆片卻又很夾。朱古力心太軟配雲呢拿雪糕，心太軟一切開就有大量熱朱古力流出來，好的是不會太甜，一口雪糕配一口朱古力，令人想一口一口不停的食。這裡夜晚環境舒適，食物好食，坐上個多小時，滿意地離開。