星巴克咖啡 (已搬遷) 新店位置

今日上午比較休閒，去咗v city 間Starbrucks 到飲咖啡叫咗一杯大size嘅焦糖鮮奶咖啡加一件lemon tart 咖啡夠濃，可惜無乜焦糖味。完成俾咖啡味蓋過哂。Starbrucks 嘅甜品我試過好多款。坦白講，個人覺得佢哋嘅甜品真係比較遜色。試過一次唔會再食嗰隻。唔係話難食嗰隻。而係覺得好普通唔會再有心動再食嗰一種。唯獨lemon tart係我個人覺得係會再食。好食嘅lemon tart酸酸甜甜，正出面好多都係酸甜比例做得唔好，唔係太酸就係落太多糖蓋過檸檬嘅味道。佢哋嘅lemon tart就做得好好，酸甜適中。所以我久不久就會食。可惜唔係成日有。今日好彩有得食另外必須講下，屯門呢間店嘅店員係我去過港九新界咁多間分店啲店員比我感覺最有禮貌嘅。就算好多人佢哋都會同每一位客人先打招呼再落單，一定會講多謝哂。拎飲品時會同你講thank you 。係每一位客人都會講。真心想讚下幾位店員nice