The Mafe Cafe (已結業)

是日星期六我和朋友在想hea，又可以食吓野，飲吓野去那裡好，我哋總會想在旺角區發掘一下休閒咖啡店，今次畀我哋在openrice發現在彌敦道577號高氏大樓3樓A-B室有一間「The Mafe cafe」,有得食有得飲又可以玩，一舉3得。一出門就見到打卡位，咖啡店門口已有花花牆壁畀我哋影相，簡直可以叫有靚花花迎接你。入到咖啡店說比較簡潔，有開揚的大玻璃窗在旁邊，非常光猛，而且仲有vip room 約埋一大班朋友嚟玩都得。來到就叫了下午茶小食“蒜香雞翼”同“魚手指拼薯條”，蒜香雞翼好夠蒜香味很香，雞翼香脆肉滑，魚手指是我平時食開的牌子，薯條是粗身有薯肉，而且不油不乾。飲品方面，我哋大玩塔羅特飲系列， 我叫了“節制”有西柚及菠蘿汁，外觀很神秘，有上層是藍色及下層是橙紅色的，味道都算可以。而朋友飲“審判”其實是青蘋果、菠蘿、薄荷及檸檬沙冰，味道就比較重青蘋果味。另外主要其實嚟玩下玩具消磨時間，我哋玩鬥獸棋，懷緬一下兒時的時光，這個星期六就咁在“the mafe cafe”快樂地過了。