籽樂廚房 (已結業)

環境要靜，香港唔係好多地方做到。 如果你想有個靜既地方食個飯，或者自己一個靜靜諗下沉澱下，就要到籽樂廚房。枱唔會太近，隔離枱唔會好似同你同枱一樣。 餐湯餐包都唔會馬虎。南瓜湯香濃，不過加咗薑我就一般啦～ 餐包脆口足料，用來沾湯不錯。  主菜就點了黑松露野菌忌廉汁意粉，初時諗住會係勁多汁，原來係乾身架。醬汁剛剛好，唔多唔少掛係意粉度。菇菌都算多，所以加加埋埋都幾大碟。  飲品方面就點了洋甘菊茶，成壺上，慢慢飲又得，嗱嗱聲飲曬又得。 甜品士多啤梨泡芙塔，內裡有cream 架！