橙皮咖啡 (已結業)

一入店環境好舒服，但有啲枱就未執所以呢樣差啲，其他都幾好而店員見我入鋪頭都好有禮貌，態度非常好而店內有好多貓嘅擺設又有啲貓嘅畫，應該老闆好喜歡貓，所以等食果啲對眼可以望下店內嘅環境，如果坐窗邊就望到出面嘅環境，所以如果大家想放鬆下不失為一個好選擇。一見到餐牌原來想食牛角包但望落啲有個迷你全日早餐係度，之後就叫咗迷你全日早餐試，下次先試牛角包同特別啲嘅咖啡，今次試咗呢個同飲凍朱古力咖啡，下次先試梳打咖啡，因為應該下次會再嚟。