WM Café & Bar (八號花園)

营业中

休息中

最近響大埔區發現一間門面裝飾格局都唔錯嘅Cafe & Bar，見倒佢有抵食生蠔拼盤同埋任飲Happy hour優惠。今次下午咁啱經過，先嚟試下佢嘅Set Lunch水準先呢度裝飾幾靚，下午響店內嘅光線舒服，如果咁啱可以選擇窗邊位置，仲可以一邊享受日光浴一邊嘆咖啡Set Lunch嘅款式都幾多，意粉、薄餅、漢堡包、 All Day Breakfast、燒牛扒等等一應俱全。而且價錢唔貴。飲品方面除咗咖啡仲有無酒精嘅Mocktail。天未黑唔想飲酒都有好多選擇。餐湯-忌廉湯跟餐嘅餐湯我地選擇了忌廉湯。附送嘅多士烘得非常香脆，有淡淡提子乾香甜味，有畫龍點睛之效凍朱古力咖啡$29，跟餐+$6朱古力味香濃，飲落口幾幼滑，唔錯。燒紐西蘭肉眼扒配薯菜$98（+$8）唔想食得太飽，原本可以選擇跟飯或意粉，最後決定加$8改配薯菜。我選擇了5成熟嘅熟度，可能塊扒比較薄，略嫌熟咗啲，大概應該有7-8成熟。不過牛扒就算燒得比較熟都唔會韌，口感唔錯亦幾香牛味WM安格斯牛肉芝士漢堡 $68見每檯客都幾乎有點漢堡，再望一望個菜式名稱，應該係招牌菜果然除了賣相靚，味道都非常得 安格斯牛味香濃，漢堡包皮香脆內軟，好好味。