一盞燈 (已結業)

年初六呢一日好想去咖啡店Hea下。午餐黎到長沙灣呢間空間十足嘅咖啡店！入到餐廳感覺環境幾正！又大又闊落！Flat white轉OAT milk $41最近都係鍾意飲呢個～呢度嘅飲落唔錯。但最特別嘅係個賣相！用上中式樣子嘅茶杯，旁邊有塊餅仔，仲有張隨機抽樣嘅卡仔禪句。韓式泡菜炒飯配烤雞扒$88賣相滿分💯飯嘅味道ok，不過口感就有啲硬。烤雞扒幾好食，整體份量亦都算大！各方面係唔錯，唯一係服務改善空間。