幸福森林咖啡館 (已結業)

秋天最啱郊遊，吸收大自然嘅靈氣，第一站先去朋友極力推薦嘅「幸福森林咖啡館」，餐廳位於元朗新田，一間充滿文青和自然風格嘅咖啡廳。 第一眼嘅感覺就好似去了日本輕井澤嘅隱世cafe ，可以輕鬆享受喝咖啡嘅悠閒時光。餐廳有室內和室外座位，還設有一間獨立小屋專售咖啡和芝士蛋糕嘅。除此之外，還有售賣自家製麵包。再加上服務員嘅殷勤招呼，令你有度假嘅感覺。 黑松露惹菌忌廉湯湯嘅賣相一流，黑松露味道濃郁，有着一粒粒蘑菇碎，口感一流，用料十足，呢個價錢來講，性價比超高。班尼迪蛋配煙燻三文魚整體感覺十分健康，除了有主角班尼蛋之外，還有一大片香甜嘅芒果和新鮮嘅田園蔬菜。一切開班尼蛋，香濃嘅蛋汁就慢慢流出來，跟煙燻三文魚和自家製嘅麵包混為一體，味道十分匹配。白酒忌廉藍青口首先試吓個醬汁，白酒和忌廉嘅份量恰到好，絕對令你渴完一口又一口。青口夠新鮮，啖啖肉，而且份量也不少。喜歡食青口嘅朋友，必點。香辣蕃茄鴨胸闊條麵闊條麵軟硬度適中，而且用料豐富，有煙燻鴨胸、紅椒、菜苗和清甜嘅蕃茄等等，配上濃郁微辣嘅醬汁和芝士粉，超開胃。桂花味咖啡桂花味夠突出，但沒有搶走咖啡嘅味道，十分清新，令你有融入大自然嘅感覺，絕對值得一試。