K2 Kitchen (已結業)

唔講唔知呢度有間餐廳！雖然隱蔽但客人都唔少，可見有返咁上下質素。簡單既青瓜芝士作前菜。甘荀湯較稀身，濃濃甘荀味，正合心意。三文魚柳烤得皮脆內嫩，依然好juicy, 味道亦鮮，調味適中，果然夠水準。薯蓉都好幼滑，牛油味略淡。另外可以配糙米飯或蔬菜，是日太飽㨂左蔬菜，一碗少油既蔬菜夠哂健康，感覺有呢個選擇好貼心！簡單既朱古力mousse cake作結，淡淡朱味，滿足！凍奶茶茶味同奶味都較淡。100蚊左右可以食得豐富既午餐，性價比高，系觀塘區西餐既好選擇！P.S. Like Facebook 可以有8折！