影片
更多
2007-07-04
16 浏览
七一假期, 亦應該係慶祝的日子, 但沒有辦法, 少年部更加緊要, 唔好讓人愛得太遲. 三日兩夜之後, 馬不停蹄地趕下個節目, 就係綠怪. 超過一半頌揚人參與, 一行都坐唔晒. 真係高興.綠怪之後已差不多九點, 就拉大隊過來食. 一來到先醒起三個字: 休魚期. 繼去年海龍皇之後再次早招. 唯有用小量海鮮開頭, 其餘以小菜做主打.十二人坐係房入面, 都算舒服.豉椒炒大蜆: 6分, 真係幾大隻, 豉椒炒得幾香口, 但蜆有沙, 同無乜鮮味.豉汁蒸白鱔: 5分, 用豉汁去蒸, 本來應該點都幾入味, 但白鱔本身唔靚, 完全唔肥美, 亦係麻麻新鮮. 食到最後都係吃剩了, 大家已經從行動表明對這碟豉汁蒸鱔的態度.古法焗魚腸: 4分, 真係吃過的魚腸中數一數二的差. 上臺時好次幾靚仔, 成個梳乎里一樣, 但食落口先知焗得太乾, 味道過淡, 無乜魚腸味, 太多蛋, 又無乜香味.骨髓三鮮: 6分, 都好久無食過骨髓了. 個汁太杰, 味道平平. 唔知是否太涼的緣故, 最後又係剩了不少.XO醬爆田雞扣: 8分, 即係田雞的胃, 比一般田雞肉桑脆, 加上XO醬去爆, 相當香口.沙薑雞腳: 6分, 沙薑麻麻入味,
綠怪之後已差不多九點, 就拉大隊過來食. 一來到先醒起三個字: 休魚期. 繼去年海龍皇之後再次早招. 唯有用小量海鮮開頭, 其餘以小菜做主打.
十二人坐係房入面, 都算舒服.
豉椒炒大蜆: 6分, 真係幾大隻, 豉椒炒得幾香口, 但蜆有沙, 同無乜鮮味.
豉汁蒸白鱔: 5分, 用豉汁去蒸, 本來應該點都幾入味, 但白鱔本身唔靚, 完全唔肥美, 亦係麻麻新鮮. 食到最後都係吃剩了, 大家已經從行動表明對這碟豉汁蒸鱔的態度.
古法焗魚腸: 4分, 真係吃過的魚腸中數一數二的差. 上臺時好次幾靚仔, 成個梳乎里一樣, 但食落口先知焗得太乾, 味道過淡, 無乜魚腸味, 太多蛋, 又無乜香味.
骨髓三鮮: 6分, 都好久無食過骨髓了. 個汁太杰, 味道平平. 唔知是否太涼的緣故, 最後又係剩了不少.
XO醬爆田雞扣: 8分, 即係田雞的胃, 比一般田雞肉桑脆, 加上XO醬去爆, 相當香口.
沙薑雞腳: 6分, 沙薑麻麻入味, 食落口覺得其實雞腳係無乜味.
黑椒牛仔骨: 7分, 個汁又係比較杰, 牛仔骨肉都幾化學, 但都幾入味的.
鹹魚雞粒豆腐煲: 6分, 而個反而麻麻入味, 鹹魚唔太夠, 似雞粒豆腐煲多一點. 竟然係不太好送飯.
金銀蛋莧菜: 6分, 弟兄C在, 當然要食菜, 莧菜老了點, 又太濕, 一般.
椒絲腐乳通菜: 7分, 這個比較好, 椒絲腐乳炒過的通菜好香口, 但係太油.
鍋上鹽焗乳鴿: 9分, 唔用焗爐焗反而用鍋焗, 乳鴿更加入味, 叫了三隻, 一人一件, 唔夠皮. 乳鴿皮好脆同香口, 鴿肉唔老, 鹽焗味剛好, 比燒乳鴿更吸引.
全晚最好的一碟.
炒油墨菜: 7分, 弟兄C要求加多一碟菜, 三碟菜, 都係一個紀錄, 但轉眼又給大家清掉. 此炒油墨菜同通菜一樣不錯.
味道半好半壞, 但相當經濟抵食, 服務又幾好, 環境不算太差, 整體來講係不錯的選擇. 開心係一家人可以相聚.
前面的風雨誰會怕?
张贴
