洛奇冰室 (已結業)

喺外賣平台見到呢間洛奇冰室，未試過特登叫之前上嚟OpenRice 睇吓，見冇乜負評就試吓。太太叫咗常餐都算係正正常常。我就叫咗咖喱吉列豬扒飯，嚟到時打開真係嚇親，第一，咖喱極少連薯仔都冇舊，薯仔乃土炮港式咖喱嘅靈魂，最少都要有一舊啩；第二，吉列豬扒毫不吉列，表面睇落似普通炸豬扒，然而粉厚豬扒薄，似超級市場賣嘅雪藏吉列豬扒；第三，在外賣平台索價$98，又唔好食又細份，成個咖喱飯最好食就係啲白飯，絕對不合格。