影片
更多
2019-02-23
578 浏览
元朗出名多野食~但最近有間開左冇耐嘅放題店-鮮道樂~上左報紙試食欄, 大大個標題話佢係伏...但只要你有少少耐性入去睇晒成篇文,那個去試食的日菜顧問, 其實只係對佢d刺身有d意見~其他野都覺得唔錯~咁樣好似對呢間唔多公平~因為呢間野又好近我~反正最近出左bonus~呢晚決定同男友去試下!呢間野個位置有d入~就連我住大棠都唔係好知佢喺邊~要搵一搵先知~門面光鮮~內裡裝修簡潔,最特別係佢天花掛左好日風的紙傘~d紙傘都幾靚~而我地今次就試下佢個放題~其原來呢度唔只得放題食~佢都仲有晚市的~但我冇睇有咩, 因為我一心來食放題~今日係平日~ 平少少~ $588/位~ 另加一~味噌甲羅燒(燒松葉蟹蓋)咁呢, 佢呢度同出面d放題有d唔同~呢度一開始, 有幾款食物係fix左~一次性頭盤~第一樣: 味噌甲羅燒(燒松葉蟹蓋)咁呢, 呢個, 你可以揀甲羅燒, 或珍寶黃金蠔~我地揀左甲羅燒~呢個甲羅燒, 我之前都喺其他磯燒放題食過~但講真, 其他都係hea hea地~你唔會好食到蟹味, 你只會食到一pat大蔥絲咁~但呢度呢個, 真係真材實料!!!成pat都係蟹膏來~ 冇溝其他配料落去,只係加左d味噌去吊味~
但最近有間開左冇耐嘅放題店-鮮道樂~
上左報紙試食欄, 大大個標題話佢係伏...
但只要你有少少耐性入去睇晒成篇文,
那個去試食的日菜顧問, 其實只係對佢d刺身有d意見~
其他野都覺得唔錯~
咁樣好似對呢間唔多公平~
因為呢間野又好近我~
反正最近出左bonus~
呢晚決定同男友去試下!
呢間野個位置有d入~
就連我住大棠都唔係好知佢喺邊~
要搵一搵先知~
門面光鮮~
內裡裝修簡潔,
最特別係佢天花掛左好日風的紙傘~
d紙傘都幾靚~
而我地今次就試下佢個放題~
其原來呢度唔只得放題食~
佢都仲有晚市的~
但我冇睇有咩, 因為我一心來食放題~
今日係平日~ 平少少~ $588/位~ 另加一~
味噌甲羅燒(燒松葉蟹蓋)
30 浏览
0 赞好
0 留言
咁呢, 佢呢度同出面d放題有d唔同~
呢度一開始, 有幾款食物係fix左~
一次性頭盤~
第一樣: 味噌甲羅燒(燒松葉蟹蓋)
咁呢, 呢個, 你可以揀甲羅燒, 或珍寶黃金蠔~
我地揀左甲羅燒~
呢個甲羅燒, 我之前都喺其他磯燒放題食過~
但講真, 其他都係hea hea地~
你唔會好食到蟹味,
你只會食到一pat大蔥絲咁~
但呢度呢個, 真係真材實料!!!
成pat都係蟹膏來~ 冇溝其他配料落去,
只係加左d味噌去吊味~ 好好食!
佢仲附有2舊米通畀你一齊食~
你可以放d餡上米通一齊食呀!
岩石燒安格斯牛小排/岩石燒黑毛豬五花腩
18 浏览
0 赞好
0 留言
第2樣就係呢個~
我同男友2個人嘛~
就牛同豬各一啦~
佢真係成塊石板畀你燒的~
肉食得出都係好野來~
唔係cheapcheap野~
都有肉味同juicy~
佢仲有樽粉紅岩鹽畀你即場磨落去調味!
我睇篇報道, 話佢食時係配餐桌鹽,
證明佢地有聽意見, 有改善?
唔錯~
大吞拿魚腩刺身(2切)/波士頓龍蝦(半隻)/籠仔蒸活海鮮
25 浏览
0 赞好
0 留言
大吞拿魚腩刺身(2切)/波士頓龍蝦(半隻)/籠仔蒸活海鮮
籠仔蒸活海鮮, 係蒸大蜆~
蜆真係好大隻, 好鮮甜,
一d沙都冇~ 又唔會過火~
岩岩好! 好食!
然後大拖羅每人有2片~
油脂味香~ 一放入口令人感動呀~
可惜呢個冇得任食
然後龍蝦其實本身可以三揀一,
可以揀波士頓龍蝦(半隻)/活赤貝刺身(1本)/牡丹蝦刺身(1本)~
咁當然揀波士頓龍蝦(半隻)啦~
吸引好多, haha~
波士頓龍蝦當然唔會好細隻啦~
大大隻~ 啖啖肉, 仲有好多膏,
個鉗好大隻~ 好食!
蟹味噌松葉蟹肉釜飯
31 浏览
0 赞好
0 留言
蟹味噌松葉蟹肉釜飯
食放題~ 老老實實你當然唔太想食飯,
因為會好快飽~ 食少好多野~
但呢個飯要讚下~
我覺得幾好食!
個飯有d菇~ 然後有蟹肉絲~
仲有好香味噌味~
呢隻味噌唔只係普通味噌咁簡單~
係蟹味噌, 所以係特別有鮮甜味~
其實個飯真係幾好食~
只係因為我要食其他野,
所以最後只係食左3份2~
飲品
我想講, 呢度有Hoegaarden生啤/奇異果,
仲有藍妹/asahi/somersby/corona/法國紅酒/菊正宗清酒任飲!
試問出面著通$2xx-3xx放題, 邊會有?
甚至係$7xx/位的酒店自助餐都唔會有啦~
淨係呢點都值回票價~
呢度仲要唔限時呢, 你可以慢慢食慢慢飲~
但聽日要返工~所以我地冇飲~
我地飲左日本汽水only~
炸物‧天婦羅
19 浏览
0 赞好
0 留言
炸物‧天婦羅
芝士年糕 -
真係好好食, 我1個人食左4舊...
芝士好濃, 配上煙韌的年糕, 我好喜歡呢!
貓山王炸彈-
出面放題唔少都有榴槤炸彈,
但寫明係貓山王的真係只係見過呢間~
貓山王比起普通榴槤貴好多啦~
我唔食榴槤, 但男友一咬開,
榴槤味勁香!
佢話好好食呢!
大蝦天婦羅(3本)
係喇, 呢度有某d菜係有數量訂左,
好似呢個咁, 冇得就咁叫1隻的~
一叫就3隻~
大蝦天婦羅都好出色~
炸漿唔會太厚, 薄薄的一層岩岩好~
好脆, 又唔會食到成口油!
壽司/丼飯/一品料理
12 浏览
0 赞好
0 留言
壽司/丼飯/一品料理
清酒煮大蜆-
蜆肉粒粒飽滿, 清酒味香~
海老海膽丼-
呢度丼飯可以揀份量減半~
我見到有海膽就叫左半個試下~
丼飯細細, 上面有一大pat鮮甜海膽,
仲有2隻蝦~ 一隻係赤蝦~ 一隻係大甜蝦~
2隻都去左殼, 方便你食`
仲有d蟹籽咁~
好精美~
金箔三文魚壽司-
haha, 我地純粹見到有金箔就試下~
但唔知係咁岩定點~
2舊三文魚都係魚腩來的呀!
好肥美, 好正
黑松露鮮帶子壽司-
帶子好厚肉, 配黑松露醬食好香好match!
火灸三點盛(3本)-
我一向都幾中意食火灸壽司的~
當然要試啦~
佢一客有3件~
有和牛, 三文魚同鮮帶子~
然後!! 上菜個陣會係碟底點火嫁!!!!!
等個火熄左先食~
好味!
串燒‧燒物
10 浏览
0 赞好
0 留言
串燒‧燒物
自家製雞肉串-
出面d放題通常都係cheapcheap凍肉店賣$1/枝的汁燒雞肉串~
但呢度唔係, 真係自己整~
雞肉juicy唔乾,
調味都好好, 好食!
厚燒牛舌心串-
牛舌好厚切, 所以特別有咬口,
又特別juicy,
蒲燒鰻魚串-
呢樣又係出面普通放題唔會有~
而家鰻魚好貴, 但呢度都係可以任食!
鰻魚厚身~ 啖啖肉!
燒雞泡魚乾-
again, 呢個出面放題又係食唔到~
聽聞係貴價野來~
我都係第一次食~
望住d雞泡魚乾, 身為貓奴的我,
覺得佢好似貓仔d零食
呢個雞流魚乾真係好出色好好食!
岩岩好夠乾食, 但食落入面都仲有少少濕潤,
好鮮好香口, 令人忍唔住一條接一條咁食呀!
我地就覺得唔點沙律醬就咁食好食d!
刺身‧一品料理‧甜品
刺身-
選擇唔算好多~但都唔係少~
我個人就覺得d刺身都ok,
都唔係報導講咁差姐~
好正常~
個翡翠螺要推薦下~
大大隻~ 好甜好厚肉!
好味道!
日式煎豚肉餃子-
呢個係我地見到人地食, 好吸引,
所以叫~ 豚肉餡好juicy, 一咬落去會嗶汁出來~
皮好薄, 個底煎得脆脆的~
好食!
最後當然要食甜品~
呢度甜品唔係任食的~
一人叫一個~
但甜品唔係heahea的~
全部都係可以獨當一面上枱的!
但我地2個都咳緊,
所以冇叫凍野食了~
我地叫左日本紅豆蓉燒年糕同人像咖啡~
日本紅豆蓉燒年糕-
年糕輕輕煎過, 外脆內軟~
上面仲有日本紅豆~
日本紅豆係特別大粒同好食的啦~
仲有少少練奶~
人像咖啡-
haha, 呢個係喺openrice見到人地整好得意,
所以玩~
其實唔一定要人像的~
你自己可以隨意sd張相畀佢整~
我地整左我地2隻愛貓嘅相~
好靚呢! 呃like一流呀!
咖啡都好香, 都唔錯的呀!
總括, 親身試完,
我真係想幫佢平反一下~
其實我覺得呢間d食物都好精美好好食~
你完全可以食得出佢同普通$2xx-3xx的放題的分別~
食材, 菜式的賣相都明顯勝過那些的~
每碟菜式都可以獨當一面,
絕對唔係出面放題,咁, 好急, 好hea, 求其上左畀你就算~
加上呢度唔限時, 你可以放鬆慢慢食, 慢慢享受~
同埋之前篇報道話佢會漏單,
但我呢晚完全冇呢個情況,
上菜都算快~
所以我覺得其實呢間都唔錯~
想食好少少, 嘆少少, 其實呢度都係唔錯嘅選擇呀!
张贴
