弘 CHIRASHI (已結業)

同男朋友一心想去試銅鑼灣個間XX水產 但去到已經截左人 所以去左同事介紹出名食二段丼嘅呢間餐廳去到等左一陣就入得 餐廳位唔多 四人枱分開做兩枱客 其實可以清楚聽到隔離講咩 但香港寸金尺土 呢個可以理解 不過始終私穩度甚低 所以約會唔太建議去呢度究極海鮮丼一開始見到藍鯨吞拿魚大腩經已發晒光 個丼 個丼個份量唔算好大 女仔食應該啱啱好 男仔應該唔夠 件吞拿魚腩尚算厚切 但有小小筋 冇乜鮮品 至於其他刺身 同元X個啲分別唔大 而個隻蟹X真心出事 非常重雪味 有小小實 好似未解凍咁 男朋友仲話覺得有怪味添蟹極二段丼松葉蟹二段丼 上層係蟹蓋蒸蛋 下層係蟹籽炒飯 中間仲有一個小小嘅魚籽帆立貝 整體黎講隻蟹尚算可以(起碼解左凍) 蟹蓋蒸蛋正常 但炒飯唔凍又唔熱 雖然炒得都乾身 但實在係唔好食 帆立貝配有小小檸檬味 比較fresh 正常收貨大伏抹茶鮮奶一開始waitress 話未必有 冇諗太多 但差唔多食完嘅時候waitress 就拎左杯"