二刀流串燒居酒屋 (已結業)

當晚7:00左右坐底，一直到9:30都係我我地一枱客，都覺伏伏地，果然食物質素整體中下，但偏貴，極唔抵食，雖然店員好殷勤同你傾偈同埋介紹食物，但係始終都係要睇質素。最失望係明太子蛋卷，因為本身好鍾意食，見到食評介紹到好吸引，就想試下，點知佢出煙既，蛋蒸到熱辣辣，明太子就凍嘅，又凍又熱咁，完全唔夾，一啲都唔好食。另外最失望嘅，係佢嘅串燒，樣樣都好似求其整熱左就上碟，而且每一樣都逐件計，計返就一啲都唔抵食，最難食喺嗰個五花腩，超級無敵鹹。唯一要讚嘅係送嘅小食炸牛蒡。而算幾好味嘅係清酒煮蜆，同甜品千層糕。味道係正常嘅，都算好食。仲有，個洗手間都未關門就熄咗個冷氣，係勁熱，臨走去洗手間嗰陣係熱到出汗。而且衛生情況欠佳。