福岡.烏龍魚男 (已結業)

今日午餐專登去試，想點刺身盛，店員推介極上版，話除左有海膽toro牡丹蝦之外，其他魚都會靚d。一攞上枱，的確會比個木架擺盤吸引左，再望真d就發現有伏。除左海膽toro牡丹蝦以外其餘都係d低價魚，仲要切得又薄，同餐牌上的樣本相距甚遠!簡直係借omakase 之名比d低價魚黎取巧! 味道方面，除左海膽正常，其他魚不論厚薄的質素都麻麻，連元氣也比不上，同當年低潮的元綠壽司咁上下。例如薰過的鰹魚，正常師傅應該會將頭尾去掉，只切中間半生的奉客，這亦不是甚麼貴魚，但我嗰件係最尾部，全件又柴又黑又苦，我咬左一口吐番出來。食左兩件向店員反映，佢只回我一個無奈樣，然後到我主動叫佢反映一下，佢先答我"哦，好丫"。我明白唔係佢嘅問題，只係作為食客我更加無奈。埋單連加一$361,唯有之後去吃一碗魚旦河補償一下。