影片
更多
2019-02-27
347 浏览
難得約到一班舊朋友聚會，又有幾個小朋友，朋友就建議去親子餐廳食lunch,小朋友有得放電，大人就可以輕輕鬆鬆食餐飯，最後就㨂咗尖沙咀呢間餐廳。睇睇menu,價錢都偏貴，午餐由$188至$446不等，包自助沙律吧。呢個價位，正常都期望食質素唔會太差。午餐唔想食牛排咁heavy,加上4百幾蚊以親子餐廳黎講真係頗進取。最後終於㨂到安格斯芝士牛肉漢堡，想搵侍應落單都唔係咁易，個個都忙到踢晒腳。侍應話漢堡已沽清，我哋1點入座，1:15落單，餐廳12點先開門，咁快就沽清，勁！沙律吧有湯，不同種類沙律，火腿，餐包等供應，味道都正常。無漢堡唯有轉咗個博多明太子意粉$218，由落單至上菜等咗45分鐘，黎到見到真心嚇一跳，以為呢份係兒童餐，份量少得可憐。食落得一個字，鹹！只得紫菜同明太子，早知叫個肉醬意粉算！朋友點咗個All day breakfast($198), 同樣難食到一個點。香腸同火腿煎到乾晒，塊窩夫淋既，個碟有一半係沙律吧有既沙律菜，此價錢並不化算。同行朋友仲有點三文魚意粉，我食完個明太子意粉都未到，催侍應就話我哋餐廳唔夠人手，請耐心等多一會。最後由落單至上菜足足超過一小時。先唔評論個遊戲設施
睇睇menu,價錢都偏貴，午餐由$188至$446不等，包自助沙律吧。呢個價位，正常都期望食質素唔會太差。
午餐唔想食牛排咁heavy,加上4百幾蚊以親子餐廳黎講真係頗進取。最後終於㨂到安格斯芝士牛肉漢堡，想搵侍應落單都唔係咁易，個個都忙到踢晒腳。侍應話漢堡已沽清，我哋1點入座，1:15落單，餐廳12點先開門，咁快就沽清，勁！
沙律吧有湯，不同種類沙律，火腿，餐包等供應，味道都正常。
無漢堡唯有轉咗個博多明太子意粉$218，由落單至上菜等咗45分鐘，黎到見到真心嚇一跳，以為呢份係兒童餐，份量少得可憐。食落得一個字，鹹！只得紫菜同明太子，早知叫個肉醬意粉算！
朋友點咗個All day breakfast($198), 同樣難食到一個點。香腸同火腿煎到乾晒，塊窩夫淋既，個碟有一半係沙律吧有既沙律菜，此價錢並不化算。
同行朋友仲有點三文魚意粉，我食完個明太子意粉都未到，催侍應就話我哋餐廳唔夠人手，請耐心等多一會。最後由落單至上菜足足超過一小時。
先唔評論個遊戲設施，單以食物質素，價錢及服務水平評論，難怪此餐廳只剩下此分店。
张贴
