LAB10 (已結業)

前年食過一次，印象中非常高質素，肉嘅調味同質感會令人「嘩」出聲。今次同朋友再試晚餐，基於上次經驗，今次直接叫任食餐，每人268加一。嚟個價錢以為質素唔會差。點知就伏了。點知食第一舊肉就呆咗。肉切得差，唔係統一厚度。一口牛本身難整好食另計。其他牛牛板嘅牛件冇邊款有牛味。肩肉算好少少，口感算正常，但牛味都係淡。雞肉係真係似賭大細。大嘅有豪大大雞排一半大，厚切，細嘅好似食淨菜擺埋一齊。厚個塊燒半個鍾都未熟得透。豬頸肉係最正常。豬肋骨個調味都唔知溝過咩咁，食落有少少番梘味，唔係平時韓燒會食到嘅調味。成個餐就算任食，連加一最多值200。仲差過雅蘭個邊放題。都唔知係轉咗廚師定餐廳定位轉咗。淨係知道我一路食，一路聽著隔離枱都講啲野食幾垃圾。兩個人一共600蚊，當做善事算。