湯品小棧 (已結業)

從未試過入一間食店後，會一肚氣咁出返黎！呢間湯品小棧出名湯水，咪過黎試下，點知一試就中伏。個阿姐粗聲粗氣冇禮貌都算，放低d碟o個時大大聲，真係飮左都補唔番!茶樹菇冬瓜清燉湯茶樹菇味好淡，湯料好少，個湯一d都唔特別，係好過茶餐廳例湯，不過同自己燉既仲有一大段距離，雖然只係$4x 蚊，但都想大叫回水。連主打既湯都唔掂，其他既就更加唔使提。店面又細，服務極差，一肚氣，飮乜都補唔番啦，況且又唔係特別好飲，伏、伏、伏，重要既事要講三次。