影片
更多
2022-07-02
504 浏览
Book咗6:30，諗住8號波冇乜人，咁5:45埋去問吓入唔入到啦。點知三個Staff喺門口吹水，同佢講book咗6:30，其中一個女staff西曬面咁話稍等。過咗15分鐘再問，就話可以入。我想問你係咪阻住你吹水呀？K11 MUSEA 咁嘅服務態度？喺門口同你講，依家6:00入座，入咗起計兩小時。咁我明白食到8點啦。叫人落單，個個都越叫越走，想問係咪有特別句子先會應機？等咗5分鐘先有人落單，乜嘢餐廳要等5分鐘？出到去混醬區，個地滑捋捋，好明顯冇拖過，好似去到好舊式好污糟嘅餐廳咁。老實講價錢唔平㗎喎，個裝修已經好似坐監咁，個地下仲要咁污糟。食到7:30，話要埋單。明白呀早半個鐘，但係冇人行埋你提早講last order，然後就直接埋單。（可能係人哋公司特色啦）7:55又有個女仔走埋嚟：要食快啲啦！就夠鐘啦！其實個枱面仲有大半杯嘢未飲，半盤海鮮未落。咁我聽到佢咁樣講，就全部掉晒落去啦，咁都要時間滾㗎！食完飲完8:00，個女仔8:03又行埋嚟：出面人齊啦，麻煩你快啲離開啦。我睇返張單，3條友食咗2000蚊，仲要催住趕你走，出到出面，個個喺度飲緊珍珠奶茶，唔見有人等位。其實入邊有吉枱，需唔需要
喺門口同你講，依家6:00入座，入咗起計兩小時。咁我明白食到8點啦。叫人落單，個個都越叫越走，想問係咪有特別句子先會應機？等咗5分鐘先有人落單，乜嘢餐廳要等5分鐘？
出到去混醬區，個地滑捋捋，好明顯冇拖過，好似去到好舊式好污糟嘅餐廳咁。老實講價錢唔平㗎喎，個裝修已經好似坐監咁，個地下仲要咁污糟。
食到7:30，話要埋單。明白呀早半個鐘，但係冇人行埋你提早講last order，然後就直接埋單。（可能係人哋公司特色啦）
7:55又有個女仔走埋嚟：要食快啲啦！就夠鐘啦！其實個枱面仲有大半杯嘢未飲，半盤海鮮未落。咁我聽到佢咁樣講，就全部掉晒落去啦，咁都要時間滾㗎！
食完飲完8:00，個女仔8:03又行埋嚟：出面人齊啦，麻煩你快啲離開啦。
我睇返張單，3條友食咗2000蚊，仲要催住趕你走，出到出面，個個喺度飲緊珍珠奶茶，唔見有人等位。其實入邊有吉枱，需唔需要催得咁急呢？
據我所知正常餐廳都會有5至10分鐘俾人緩衝，呢間係直頭要你提早走！
個鍋睇落就好大，其實就好淺水，四隻蟶子就冇咗一半位啦，我想淥快啲都冇啦。
想問出面人齊關我咩事？
你唔識得同個客講等多陣執緊枱嘅？
我係咪要留時間俾你執枱？
咁我留時間俾你執枱，係咪食唔足兩個鐘？
张贴
