抹茶館 (已結業)

同朋友去一心慕名黎到抹茶館，結果非常失望！先講環境：0分！！！完美死角，位於地牢，完完全全收唔到電話，真係半格都冇。除非你想避世, 避高利，避男女朋友，或者你蟬修...如果唔係真係食到火都黎。食食下電話響，但係一接電話又收唔到，完全聽唔到對方講咩。要特登出去行上半樓梯先收到，結果我企係樓梯中間講電話，十分尷尬。食物方面...抹茶天突葛粉條我承認係比佢張相呃左。一心貪玩覺得唧一磚啫喱好似好爽...結果黎到一整即刻冇晒胃口。一唧出黎賣相極差，好似一pat pat 墨綠色💩咁.....不過，客觀講句，如果衝破到心理關口，沾埋黑糖漿，都ok好食既。味道似涼粉個啲。抹茶雪紡蛋糕一個字，伏。同上面個個相反，賣相好華麗好靚好吸引。但蛋糕好dry, 佢冇呃你，真係一個淨雪紡蛋糕上面有綠茶cream. 啲cream好甜好膩。最失敗係啲nuts!! 一陣油益味，益到已經食唔出係核桃定堅果仁....Er..如果你餓左好多日佢既份量就係優點。 $68比足半磅蛋糕你。真係好大個，兩個女仔食半個都好艱難，加上佢好難食。