影片
更多
2020-06-09
218 浏览
網上買左七道菜嘅omakase兩位，價值$780去到餐廳，第一下已經覺得裝修好求其，諗住算啦，又唔係太貴，唔好咁高要求。之後個女經理放低兩個餐牌，全部都係加錢upgrade嘅餐牌，佢不斷游說我哋轉做12道菜嘅omakase，另外又叫我哋轉加$100轉和牛，仲有每位$200共$400加多三款刺身，佢話網上影相嘅全部都係有upgrade先至有咁多嘢食，由於係朋友生日，所以諗住食好啲就upgrade啦........點知首先，刺身一啲都唔新鮮，非常之普通，第二個沙律話有高級的魚籽，但其實係海澡魚籽，然後下面竟然係一杯梳打水扮香檳，你求其比啲平嘅有汽酒都得掛，之後嘅菜式基本上叫不過不失，但真係冇一樣係特別好食，去到甜品嘅LEGO啫喱，真係賣噱頭多於一切，由於係慶祝朋友生日，所以送了一個用紅雞蛋殼包住嘅蒟蒻，但嗰舊蒟蒻係完全冇味架，真係一啲味都冇，個紅雞蛋甜品用嚟影相係唔錯嘅，但舊蒟蒻真係唔使食，完全浪費食嘢嘅quota，感覺呢間餐廳入邊嘅食物係全靠伴碟、擺設來做賣點吸引人，完全忽視味道及食材嘅重要性，真係伏得好緊要，當然如果你係想影吓相打下卡，咁呢度係一定可以滿足到你嘅，但老實講以呢個價錢，你
去到餐廳，第一下已經覺得裝修好求其，諗住算啦，又唔係太貴，唔好咁高要求。
之後個女經理放低兩個餐牌，全部都係加錢upgrade嘅餐牌，佢不斷游說我哋轉做12道菜嘅omakase，另外又叫我哋轉加$100轉和牛，仲有每位$200共$400加多三款刺身，佢話網上影相嘅全部都係有upgrade先至有咁多嘢食，由於係朋友生日，所以諗住食好啲就upgrade啦........點知
首先，刺身一啲都唔新鮮，非常之普通，第二個沙律話有高級的魚籽，但其實係海澡魚籽，然後下面竟然係一杯梳打水扮香檳，你求其比啲平嘅有汽酒都得掛，之後嘅菜式基本上叫不過不失，但真係冇一樣係特別好食，去到甜品嘅LEGO啫喱，真係賣噱頭多於一切，由於係慶祝朋友生日，所以送了一個用紅雞蛋殼包住嘅蒟蒻，但嗰舊蒟蒻係完全冇味架，真係一啲味都冇，個紅雞蛋甜品用嚟影相係唔錯嘅，但舊蒟蒻真係唔使食，完全浪費食嘢嘅quota，感覺呢間餐廳入邊嘅食物係全靠伴碟、擺設來做賣點吸引人，完全忽視味道及食材嘅重要性，真係伏得好緊要，當然如果你係想影吓相打下卡，咁呢度係一定可以滿足到你嘅，但老實講以呢個價錢，你可以有更好嘅打卡地點
另外一個最嚴重嘅問題，餐廳入面嘅女經理極度之煩，係你食緊嘢嘅時候，佢三不五時就會走過來介紹吓啲食物，但最慘就係懶搞笑，仲要同你有互動，叫你幫個菜諗個名喎，佢都痴痴地㗎，又鍾意走來同人乾杯喎，大佬我嚟食飯架，又唔係去飲同蒲，乾咩杯唧
最後埋單$2200兩位，我內心真係好肉赤，唔係因為貴，係因為做咗水魚，我唔介意洗錢，但一定要物有所值，你收一個咁嘅價錢，但由食物質素到餐廳環境，經理表現係完全唔合格，食完我內心只係充滿着憤怒
张贴
