喜滿樓車仔麵館 (已結業)

話說呢個舖位上一手都係車仔面，叫做「味來車仔麵」，去到已經變左呢間新野，見新開張咪去一試，點知整體感覺太不濟。員工之間講野太大聲，好嘈，舖位太細啲聲好應。然後我叫左水魷+豬腸油面+腩汁，啲餸得兩三舊，水魷完全無味，感覺就好似清水煮嘅感覺，完全索唔到味，成碗麵嘅味道都太鹹，但聽說個湯底係完全唔落味精，唔知係唔係個鹵水豬腸太鹹。唯一可讚的係環境乾淨。總結：價錢，份量都不及上一手，可能因為新開張吧。短期內不會再光顧，可能一段時間後再試。