九龍坎麻辣火鍋

营业中

休息中

一開頭坐低講到咩都有得食，咩肉海鮮嗰啲都有，但到最後佢所謂嘅海鮮拼盤永遠都只係得啲垃圾黑魚/ 重雪味嘅蚌。已經嗌最貴嗰個set，都可以咩都冇⋯⋯感覺好差🥲嗌肉嘅話，佢唯一嘅答案就係就話啲肉仲切緊、未有，就算肯上肉都好，每次只有兩碟，一碟都淨係得3-4塊。最後兩個鐘入面都淨係上得4-5碟。同埋唔好expect係大塊，每塊肉得半包temple拎出街嘅紙巾咁大。留意返係半包，唔係半張紙巾🥲海鮮嘅話，無論你嗌咩都淨係會上個拼盤/ 直接無視你。就同一開頭講嘅一樣，一定冇鮑魚/ 蝦/ 白鱔嗰啲㗎啦。只係覺得，如果根本做唔起放題，嗌咩都係冇嘅話，咁就唔好再呃人。肉又冇海鮮又冇，同張poster所講有嘅嘢完全唔一樣。唔建議大家試伏，真係食到一肚氣。一定冇下次。