影片
更多
2023-07-12
244 浏览
韓式白雪幻彩macaron雪奶 好失望！唔好叫！！！特登搭的士過嚟其實就係為咗試下個馬卡龍。點知出到嚟完全兩回事！名副其實嘅圖文不符！一擺落嚟，就已經認得出佢個馬卡龍係爭鮮壽司出品。($26/盒) 佢張圖嘅馬卡龍色彩繽紛，而且數量都幾多。結果就係得4粒爭鮮壽司嘅馬卡龍！味道顏色數量都一樣，所以100%肯定係！如果唔係想試下佢個馬卡龍，都唔會嚟第二次！個雪奶冇味食到底全部係冰塊，草莓雪糕結晒冰。綠寶石蜜瓜雪奶雪奶完全冇味，蜜瓜亦都唔甜。真係要靠煉奶同埋Häagen-Dazs雪糕先至食到。韓式紫薯雪米糍窩夫我依家唔睇返個Menu都唔知嗰個係雪米糍，「雪米糍」裏面全部都係cream唔係雪糕。窩夫好乾身。冇乜味，但總算好過啲雪奶！嚟過兩次，兩次都比店員睇唔起！第一次係同朋友收工即興過去，所以着得好頹。明明裏邊有位，但係要我哋坐門口。其中一個男店員態度都算OK。第二次同屋企人放工特登過去，結果過到去又比店員睇唔起，2個女店員嘅態度都好差，又係叫我哋坐門口，裏邊亦都係有位。但係今次屋企人覺得好熱，所以開口問店員可唔可以坐裏邊，店員表示：等等啦！然之後就繼續出餐。隨後，張枱就咁用紙巾清理仲係黐立立。
好失望！唔好叫！！！
特登搭的士過嚟其實就係為咗試下個馬卡龍。
點知出到嚟完全兩回事！名副其實嘅圖文不符！
一擺落嚟，就已經認得出佢個馬卡龍係爭鮮壽司出品。($26/盒)
佢張圖嘅馬卡龍色彩繽紛，而且數量都幾多。
結果就係得4粒爭鮮壽司嘅馬卡龍！
味道顏色數量都一樣，所以100%肯定係！
如果唔係想試下佢個馬卡龍，都唔會嚟第二次！
個雪奶冇味食到底全部係冰塊，草莓雪糕結晒冰。
綠寶石蜜瓜雪奶
雪奶完全冇味，蜜瓜亦都唔甜。真係要靠煉奶同埋Häagen-Dazs雪糕先至食到。
韓式紫薯雪米糍窩夫
我依家唔睇返個Menu都唔知嗰個係雪米糍，「雪米糍」裏面全部都係cream唔係雪糕。
窩夫好乾身。冇乜味，但總算好過啲雪奶！
嚟過兩次，兩次都比店員睇唔起！
第一次係同朋友收工即興過去，所以着得好頹。
明明裏邊有位，但係要我哋坐門口。其中一個男店員態度都算OK。
第二次同屋企人放工特登過去，結果過到去又比店員睇唔起，2個女店員嘅態度都好差，又係叫我哋坐門口，裏邊亦都係有位。但係今次屋企人覺得好熱，所以開口問店員可唔可以坐裏邊，店員表示：等等啦！然之後就繼續出餐。
隨後，張枱就咁用紙巾清理仲係黐立立。
上次嚟食都會提前俾咗煉奶先，今次到個雪奶嚟咗都冇畀煉奶，舉手一直冇人理，終於過到嚟，我要求俾煉奶，店員又話等等啦！之後攞咗一樽過嚟諗住幫我fill，先發現一開始冇畀過我哋。
其實呢間嘢都幾好笑，出餐時間耐，每人最少都要嗌一樣嘢，但係限時45分鐘就要走，一出餐出嚟，我同屋企人影咗張相都已經即刻冇停過咁食，食到最後，女店員過嚟態度好差咁講「唔該你哋盡快交返張枱俾我哋！」
我屋企人聽唔清楚，因為佢講得好急。
所以問多咗佢一次講咩，佢就話「交返張枱啊！」因為當時好多人好嘈，我屋企人真係聽唔清楚。佢見到屋企人仲未俾反應，就話「交枱，交枱啊！」我本來仲好急咁樣食緊，聽到佢咁躁底我就同佢講我食埋呢啖走㗎啦。
屋企人意識到就同我講話出去埋單先。
去到埋單，老實講上次我係因為坐門口位先見到佢手寫嗰張紙寫住唔收PayMe，出邊又窄又多人 佢張紙擺嘅位我屋企人根本就睇唔到，然後問佢收唔收PayMe。個女店員即刻黑晒面好焦急咁講話「我哋唔收PayMe啊！」其實都係講一句，我相信冇阻到後邊嗰枱好多時間，店員未至於要咁嘅態度。
總括嚟講，我自己唔係因為想試馬卡龍真係唔會去第二次。完全明白點解咁多人推薦呢一間。伏到爆！
我認為佢唯一一樣好就係開到好晏。
*店員服務態度好差，食物質素麻麻，環境好細好迫，衛生都好差只係會用紙巾抹枱。
另外仲有一點，就係我第二次去食呢個馬卡龍雪奶第二日又屙又嘔。都要講返第一次食係冇事嘅。
6 浏览
0 赞好
0 留言
31 浏览
0 赞好
0 留言
张贴
