堅信號上海生煎皇 (新都城中心二期) (已結業)

今日見到人潮減退吾洗排就入去試，即刻入正題！ 所謂的即煮濃湯魚拉麵，個炸魚係凍（ 一片半邊身既急凍黃魚 ）既！個湯底係水味嚟嘅！ 又話要等15分鐘即煮？又話濃湯？收$68？ 極其細碗！又極其難食 ！個厚切豬扒係成陣騷味，所謂的菜飯係冇菜味無乜菜又濕！ 以上兩個所謂嘅招牌菜都可以難食到如此， 紅油抄手係淥熟啲雲吞仔溝pat醬，但係個底仲係成灘水😂相比下，個生煎包都有50分，因為其他野係0分！吾怪得人潮減去咁多！ 無影相呀，因為我全程淨係發忟憎，完全唔想拎部電話影張咁嘅相出嚟！ 另外重申一點，我真係好想講，openrice用咗咁多年，帳戶申請咗咁多年，真心第一次得閒打食評就係呢個原因， 你可以話一百幾十蚊，唔好食就算啦下次吾去，係！我好都係咁樣同自己講 ，唔好食嘅嘢大把啦，但今舖真係差到估吾到自己會學人打食評🤗， 超級無敵差 差差……………………！