農米莊 (厚福街)

係厚福街諗唔到食咩，其他舖頭都多人，偏偏得呢間唔使等，就諗住試吓新嘢。見到呢個價錢其實都淨係諗住填飽個肚，冇考慮好唔好食。首先一入到去已經好大浸酸臭味，門口冷氣機滴水，彈到周圍都係。

其次講返米線，嗌咗一個椰子雞米線，同一個普通雞湯米線。湯底味道正常偏鹹，但係份量少得可憐，另外叫咗蜜糖腸同埋豬頸肉。$12蜜糖腸剩係得兩條，豬頸肉都係得兩嚿。見到呢個份量真係即刻懷疑係咪比少咗，未見過有米線舖啲餸咁少。

最後係店員，非常之趕客。見到一放低筷子就即刻過嚟收走你個碗催你走。嘴都未抹好，唔知喺度急啲乜，特別間舖都冇人食。