影片
更多
2023-12-25
88 浏览
早前睇到天后有瑞士餐廳，評價又見價錢唔太貴，食過尖沙嘴某瑞士餐廳對瑞士芝士火鍋念念不忘既我於是想同老婆食返餐瑞士聖誕餐過節。去到坐低先發覺原來平安夜同聖誕只可以點都幾貴既聖誕餐，比預算多左一倍，但坐低坐，又見佢有威寧頓牛，於是諗住貴啲都算啦，點知就出事。我地都未點餐，一個目無表情既後生女侍應就粒聲唔出咁放低兩個餐包同牛油，（正常點完餐先上包吧？）可能聖誕節，人手不足吧，揮左十分鐘手先有侍應埋黎寫餐，侍應係食住香口膠幫我地點餐，作為西餐廳，侍應食住香口膠同我寫菜，心𥚃面有啲：吓？既感覺，anyway, 叫左份芝士火鍋套餐，同威寧頓牛套餐，套餐跟餐酒，頭盤，湯，主菜，同甜品。湯好快就上左，當我地開始搣麵包點湯時，頭盤已到，心諗，又幾快喎，但當我地枱面已經有湯，餐包，同頭盤，枱已經八成滿，我地啱啱開始食左兩啖包時，個目無表情既女侍應已經搬左個芝士火鍋出黎，仲幫我地點左火，枱已經九成滿，然後我地都仲未食完個包，佢已經捧埋芝士火鍋既包粒同一碟點芝士既菜，肉，海鮮拼盤出黎，將我地既枱塞到滿晒，我地唯有加速食，而正當我地啱啱食完餐包時，佢又已經捧埋我個威寧頓牛出黎！佢望一望我張枱，已經連一杯水都塞唔
去到坐低先發覺原來平安夜同聖誕只可以點都幾貴既聖誕餐，比預算多左一倍，但坐低坐，又見佢有威寧頓牛，於是諗住貴啲都算啦，點知就出事。
我地都未點餐，一個目無表情既後生女侍應就粒聲唔出咁放低兩個餐包同牛油，（正常點完餐先上包吧？）可能聖誕節，人手不足吧，揮左十分鐘手先有侍應埋黎寫餐，侍應係食住香口膠幫我地點餐，作為西餐廳，侍應食住香口膠同我寫菜，心𥚃面有啲：吓？既感覺，anyway, 叫左份芝士火鍋套餐，同威寧頓牛套餐，套餐跟餐酒，頭盤，湯，主菜，同甜品。
湯好快就上左，當我地開始搣麵包點湯時，頭盤已到，心諗，又幾快喎，但當我地枱面已經有湯，餐包，同頭盤，枱已經八成滿，我地啱啱開始食左兩啖包時，個目無表情既女侍應已經搬左個芝士火鍋出黎，仲幫我地點左火，枱已經九成滿，然後我地都仲未食完個包，佢已經捧埋芝士火鍋既包粒同一碟點芝士既菜，肉，海鮮拼盤出黎，將我地既枱塞到滿晒，我地唯有加速食，而正當我地啱啱食完餐包時，佢又已經捧埋我個威寧頓牛出黎！佢望一望我張枱，已經連一杯水都塞唔落（btw, 唔知點解所有嘢食都到齊，但偏偏應該最先到既餐酒未到囉）佢就同我地講：將枱無位放，你碟牛我放隔離枱先啦！下？！咩料呀？我食緊西餐聖誕套餐，唔係澳牛光速餐喎！我個餐係澳牛十倍價錢，唔洗俾十倍時間我食，但俾返足夠一個正常肚餓既男人食完個湯同頭盤先上主菜都得掛？而我平時係十五分鐘KO一個兩食送飯既人，可想而知佢上得幾快。
我一路用最快速度飲完個湯同食完個頭盤，一路叫左香口膠侍應黎同佢講：你啲主菜會唔會上得太快？我仲飲緊湯，頭盤都未開始食，你咁快同我上牛扒，你睇份牛逼到要放隔離枱，我點食呀？佢望一望碟牛，諗左陣，然後話：唔好意思呀，今日節日，上菜係急左少少，然後走左。What? 咁就算？
好不容易食到海鮮頭盤，我老婆望住碟牛，忍唔住又叫左另一個女侍應黎，同佢講：碟牛放左係度好耐，我地都未食得住，你可唔可以幫我拎返入廚房翻熱翻佢呀？唔係攤凍晒點食？個女侍應有啲無奈咁拎返碟牛入去。
好不容易扒晒前菜，終於開始食芝士火鍋（而家想食威寧頓牛又無得食囉），但個芝士火鍋啲火種已經燒完熄左，又要叫人黎點返火。食左幾粒芝士包，跟住牛亦返黎，食左兩啖，啲餐酒終於到，但如大家所料，邊有人翻熱牛扒架？塊牛第一次上（隔離）枱時係有啲粉紅色，約五成熟，今次再上，變左well done 牛，唉，都無計，照食啦。
食完主菜後8:25pm, 叫左女侍應黎點甜品（其實一開始香口膠侍應已經寫左我地要咩，不過講多次唔緊要啦），等左15分鐘，8：40， 遲過我地食完既隔離枱啲甜品都到左，我地都未到，於是又叫返女侍應返黎追單，佢又問我地點左咩，於是我又講多次，佢話幫我追。
8：50，遠啲果枱又食完，又上左甜品，我地都仲未到，於是我地又叫左女侍應黎，佢望一望我地張枱，然後話：下？仲未到呀？我地一齊話：係呀，仲未到呀！佢話幫我地追追單，行開左兩步，又返轉頭問：你地叫左啲咩呀？於是我托住個下巴同佢講第三次。
8：55， 個女侍應經過，見到我地張枱仍然係吉，隔離早過我地食甜品果張枱已經埋左單走，佢主動埋黎講：唔好意思，廚房煮緊，好快（下？我叫左朱古力蛋糕同蘋果撻，點煮緊呀？）Finally, 9:00pm, 我地甜品終於到。
最出奇係咩呢，我地等左10分鐘先有人黎寫單，等左35分鐘先有甜品，但一講埋單，係即時有人埋黎，拎左信用卡後，兩分鐘唔洗就埋好單，睇黎佢地又無想像中咁忙喎。
講左咁耐，服務同用餐時間講完，講食物質素：威寧頓牛係散晒，牛同穌皮係分離既，牛well done 就不在話下，穌皮係淋既，至於個芝士火鍋，個火種燒太快，要換左三次火種，但芝士唔夠，最後要刮晒底先點到最後一塊包，點芝士既包係又韌又硬，點芝士既西蘭花預先漉到淋晒，放落個鍋度都吉唔返上黎係啲芝士度解體，甜品蘋果撻硬到用甜品匙羹係切唔開，大力壓落去，成塊撻爆開炸到成枱都係撻皮。
連加一食左702蚊一位, 上菜要慢既時候快，要快既時候慢，仲要咁既食物質素，送多餐俾我都唔會返去。
題外話：隔離枱情侶仲慘過我地，佢地個芝士火鍋上完後，佢地一邊望住個火一邊舉手，等左十分鐘先有人理佢地，原來佢個火鍋又無火又無叉，望住都無得食
歌劇院朱古力蛋糕
2 浏览
0 赞好
0 留言
威寧頓牛柳
5 浏览
0 赞好
0 留言
芝士火鍋
3 浏览
0 赞好
0 留言
张贴
