蒲頭島 (已結業)

一上到去勁多人等位， 以為有好西食，點知中伏，原來係d 人由6點半等到9點半都未入得所以好多人迫曬係度。我地個轉本來9點半，但要等到差不多10點15分先可以入得去。講下餐廳環境，望落好似好乾淨，（因為燈光陰暗）但暗藏好多邋遢，先講走入去地板係 立次次黐住鞋底，走入洗手間，係無一格有水沖，地板都係黐鞋底。食物本來好期待，湯底講到咁fusion。點知個湯底係無味道。食物點紙就係中學會考， 格仔填顏色，而且唔可以填出界，否則要再填過或者阿姐係你面前慢慢幫你填過，再訓話一下，大佬，食餐飯姐，洗唔洗咁嚴格。會考試卷 填完答案， 並不是話你填好份卷就有好西食。經常有漏單情況 ，點咗好多都冇嚟到。尤其是係回本位嘅食物。諗住成功靠苦幹， 靠自己出去攞嘢食啦 。點知出面自己攞嘢食嗰個位冇乜選擇 ，都係菜呀，腸仔呀，個d 。只係好過無野食。醬料部分， 有啲畀人拿曬都冇refill。P.S. 杯Welcome drink 好很難飲，飲到你反胃食唔到野。