Ocio オシオ (已結業)

好少寫食評，但係今次真係忍唔到手，見佢裝修幾靚仔，入去試吓，點知一個字：伏伏伏伏伏！

先講環境，枱貼枱，同隔離食客零距離，要zip入去先坐得到。環境非常非常嘈吵，比街市還嘈，講嘢要氣運丹田。

員工唔醒目，好用氣力同佢講個自助落單web load 來load去都失敗，佢企定定望住個loading ，望咗五秒，我頂唔順開口問可唔可以幫我人手落單。

戲肉來了，食物質素真係屬於劣質。唔講啦，自己睇相。

質素唔知關唔關新開張事，但唔會有下次囉⋯⋯

豬手同薯條，都係又咸又乾又黑又硬

使用非常假味嘅士多啤梨味糖水，浸住個好普通嘅方包，超級死甜又假，個包邊似四度牆咁硬，但中間浸到濕晒冧晒。